په تیرو۷ورځو کې دمسکراتو اونشه یي توکو سره دمبارزی عدلي اوقضایي مرکزد ابتدایی اواستیناف محاکمو له لوری په علنئ قضایي جلسو کې ۳۷ تنه د۲۶ قضیو په اړوند له ۱۳ میاشتو څخه تر۱۱ کالو حبس محکوم په سزا شوي.
یاد کسان دامنیتي او کشفی ارګانونو له خوا د څه باندې ۳ کیلوګرامه هیرویین،څه باندې۲۸۳کیلوګرامه مورفین، څه باندی ۱۱۳۷ کیلوګرامه چرس ،څه باندې څه باندی ۱ کیلوګرامه مت امفتامین(ښیښه)،څه باندی ۱۱۴۴ کیلوګرامه تریاک او۷۵ کیلوګرامه جامد کیمیاوی مواد په تړاو دهیواد له بیلابیلو سیمو څخه نیول شوي او دعدلي اوقضایي څیړنو په موخه له شته نسبتی دوسیو سره یې دغه مرکز ته استول شوي و.
په یاد وخت کې کشفي او امنیتي ارګانونو لخوا د مسکراتو او نشه یي توکو د قاچاق د۲۶ قضیو په اړوند ۳۴ تنه د دوو ښځو په ګډون دنشه یي توکو د قاچاق په تور تورن له بیلا بیلو ولایاتوڅخه نیول شوي او تورن کسان یې له اړوندو دوسیو سره دعدلي اوقضایي څیړنو په موخه دمسکراتو اونشه یي توکو پرضد د مبارزی عدلي اوقضایي مرکز ته رالیږلی دي.
د ویلو وړ ده چې د نیول سوی کسانو په منځ کې ۷تنه دیوی ښځی په ګډون هغه کسان شتون لرِی چې غوښتل یې د حامد کرزی له نړیوال هوایي ډګر څخه نشه یي توکي(هیرویین) په خیټه اوسفری بکسونوکې هندوستان هیواد ته یې قاچاق کړي چې دامنیتی اوکشفی ارګانونو اودمسکراتو اونشه یي توکو سره دمبارزی عدلي اوقضایي مرکزموظف څارنوال لخوا د پیژندلو وروسته نیول شوي ده.
د مسکراتو او نشه یي توکو پرضد د مبارزی عدلي او قضایي مرکز د پولیسو د تدقیق،پلټنی او لابراتوار لوی مدیریت د نشه یي توکو او مسکراتو په قاچاق نیول شوی تورن کسانو څخه لومړنی څیړنی د ۷۲ ساعتو په ترڅ کی بشپړ کړي او هغوی نسبتي دوسیو سره عدلي څیړنو په موخه د مسکراتو او نشه یې توکو پرضد ځانګړی څارنوالی ته استولی دي.
د مسکراتواونشه یي توکو په قانون کې د وروستیو تعدیلاتو پربنسټ، یاد مرکز د نوموړی قانون د ۱۶ او ۱۷ مادی په رڼا کې هغه نشه یي توکی چې وزن یي یوه کیلو ګرامه هیرویین، مورفین،کوکایین،څه باندی لس ګرامه مخدرسنتیک،څه باندی ۵لیتره استیک انهایدرایت،۵۰جریبه ځمکه کې د نشه یي توکو مولد کښت کونکی،څه باندی ۲۰۰لیتره مسکرات،څه باندی ۱۰کیلوګرامه تریاک اوڅه باندی ۵۰ کیلو ګرامه چرس او بنګ دانه وي د څېړنو صلاحیت یي لري.
دا په داسي حال کې ده چې دوه اوونئ مخکي هم دمسکراتو اونشه یي توکو سره دمبارزی عدلي اوقضایي مرکزد ابتدایی اواستیناف محاکمو له لوری په علنئ قضایي جلسو کې ۲۲ تنه د ۱۷ قضیو په اړوند په بیلابیل تنفیذی حبس محکوم په سزا شوي وو.