د تیرې اونۍ په ترڅ کې د مسکراتو او نشه یی توکو پرضد دمبارزی ځانګری عمومی څارنوالی په وړاندیز (۳۷۲۶۸) افغانی او(۴۰۰) امریکایی ډالره چې د نشه یي توکو له قاچاقبرانو څخه ترلاسه شوی و د محاکمو د حکم پربنسټ مصادره او د یادی څارنوالی په قطعی حساب دافغانستان بانک ته وسپارل شو.
د مصادره شویو پیسو سربیره ۵ عرادی موټره،۲۰ سیته ګرځنده موبایلونه او ۷ میله وسلئ چې ۱۶تورنو د یوه دولتی کارکونکی او۲ ښځو پوری تړاو لری د نشه یي توکو او مسکراتو د قاچاقو د۱۶قضیو په اړوند د امنیتی او کشفی ارګانو لخوا کشف او ترلاسه شوی دي.
د مسکراو او نشه یی توکو پرضد دمبارزی قانون د ۳۲ مادی پربنسټ((مخدره توکي اومسکرات هغه وسایل اوتجهیزات چې د هغوي په برابرولو،تولید او پروسس کې کارول کیږي او نور هغه وجوه اومنقولې او غیر منقولې شتمنئ چې د مخدره توکو او مسکراتو د جرمونو په ارتکاب کې په کار وړل شوي یا د هغه له ارتکاب څخه ترلاسه شوي او یاد هغه د ارتکاب په قصد برابر شوي وي،مصادره کیږي.))
د مسکراتو او نشه یي توکو پرضد د مبارزی عدلي او قضایي مرکز د لابراتوار،بررسی او تدقیق لوی مدیریت چی د نشه یی توکو په اړوند د تورنو قضیی په یوه اونئ کې د هیواد له بیلابیلو ولایاتو څخه ترلاسه کړی و د ۷۲ ساعتو په ترڅ کې لمړنی څیړنی بشپړی کړی او د عدلي موخی له پاره ځانګړی څارنوالی ته سپارلی دي.
د مسکراتو او نشه یی توکو پرضد د مبارزی تحقیق څارنوالی ریاست په دی موده کی د ۱۸ قضیو څیړنی بشپړی کړی او د اتهانامی ترتیبولو له پاره ابتدایی څآرنوالی ته لیږلی.
همدارنګه د مسکراتو او نشه یي توکو پرضد د مبارزی ابتدایی څارنوالی لخوا د نشه یي توکو د قاچاق ۱۱ قضیي د ۲۳ تنو تورنو سره د څیړنو وروسته د مسکراتو او نشه یي توکو پرضد دمبارزی ځانګړی ابتدایی محکمی ته استولي.
له بل لوری د مسکراتو او نشه یي توکو پرضد د مبارزی استیناف څارنوالی په یاد شوی موده کې د نشه یي توکو ۱۲ قضیی څیړنی د ۱۹ تنو تورنو په ګډون یی بشپړی کړی او د مسکراتو او نشه یي توکو پرضد دمبارزی ځانګړی استیناف محکمی ته وړاندی کړی دي.
په همدی موده کې نهایی څارنوالی ۳ قضیی چې پر د ابتدایی او استیناف محاکمو له لوری بشپړی شوی د ستری محکمی عامه امنیت دیوان ته لیږل شوی.
دا په داسي حال کې ده چې د نظارت څارنوالی په دی موده کې له تشریح پروسی نه، د نشه یي توکو د قاچاق له قضیو څخه د سمپل اخیستلو،دعریضو بررسی او د خلکو له شکایتو څخه څیړنی او نظارت یي کړی.
د مسکراتواونشه یي توکو په قانون کې د وروستیو تعدیلاتو پربنسټ، یاد مرکز د نوموړی قانون د ۱۶ او ۱۷ مادی په رڼا کې هغه نشه یي توکی چې وزن یي یوه کیلو ګرامه هیرویین، مورفین،کوکایین،څه باندی لس ګرامه مخدرسنتیک،څه باندی ۵لیتره استیک انهایدرایت،۵۰جریبه ځمکه کې د نشه یي توکو مولد کښت کونکی،څه باندی ۲۰۰لیتره مسکرات،څه باندی ۱۰کیلوګرامه تریاک اوڅه باندی ۵۰ کیلو ګرامه چرس او بنګ دانه وي د څېړونو صلاحیت یي لري.