افغانستان کې د امریکا سفارت مرستیال ښاغلی ریچارد ریلی د مسکراتو او نشه یي توکو پرضد د مبارزی عدلی او قضایی مرکز له چارواکو سره د خبرو اترو ترڅنګ د یاد مرکز له کاری شعباتو څخه لیدنه وکړه.
نوموړی چي د ښاغلی "چریستوفر کاستینی" قضایی مشاور،ښاغلی "مارو فیرنندز" د اینیل اداری مشر او ښاغلی "کوری روب" د اینیل اداری مرستیال پلاوي لخوا ملګرتیا یي کیده د مسکراتو او نشه یي توکو پرضد د مبارزی عدلی او قضایی مرکز د استیناف محکمی رییس ښاغلی قضاوتمل عبدالقیوم "حلیم"،د ابتدایی محکمی رییسه آغلئ قضاوتیار منیره "بهارکی"، څارنی څارنوالی رییس ښاغلی څارنمل محمد هاشم "ستانکزی"،د ابتدایی څارنوالی رییس ښاغلی څارنپال زلمی "قاسم"،د پلتنی څارنوالی رییس ښاغلی څارنمل جمعه گل "فاروقی" او د پولیسو د تدقیق،بررسی او لابراتوار لوی مدیر ښاغلی سمونوال عبدالجمیل "غفاری" سره ملاقات وکړ.
په سرکې د یاد مرکز چارواکو د امریکا سفارت مرستیال ته ښه راغلاست وویل او د عدلی او قضایی مرکز تکلاره او کړونو په اړه د څرګندونو ترڅنګ د مسکراتو او نشه یي توکو پرضد دمبارزی عدلی او قضایی مرکز سره د امریکا هیواد له مرستو څخه مننه وکړه.
د مسکراتو او نشه یي توکو پرضد دمبارزی عدلی او قضایی مرکز ته د نوموړی راتک له چارواکو سره کتنه او د دی مرکز د تکلاره او کړونو په اړه پوهاوی ویل شوی.
په پای کې ښاغلی ریچارد ریلی د امریکا سفارت مرستیال د عدلی او قضایی مرکز له چارواکو څخه ښوښی څرګنده کړه او یاد مرکز یي د مسکراتو او نشه یي توکو د قضیو د څیړونوپه موخه ډیر ګتور وبلل.