دمسکراتو اونشه یي توکو پرضد د مبارزي عدلي اوقضایي مرکزدتدقیق پلټنی اولابراتوارلوی مدیریت،ځانګړی څارنوالی لوی ریاست او د ابتداییه او استیناف محاکمو د دریمي ربعي راپور:
د پولیسو د تدقیق پلټنی اولابراتوارلوی مدیریت د راپور پربنسټ د۱۳۹۶ کال د دریمی ربعي (تله،لړم او لیندی) په اوږدو کې جمله ۱۳۵ قضیی د ۱۶۸تنو د ۹دولتی،۲ښځینه او۲ایرانی وګړوپه ګدون په نشه یی توکو او مسکراتو تورن له بیلابیل ولایاتو څخه یاد مدیریت ته را رالیږل سوی دي چې د لومړنيو څیړنو نه وروسته ټولی دعدلي تعقیب په موخه دمسکراتو اونشه یي توکو پرضد دځانګړي څارنوالي لوی ریاست ته استولي دي.
دمسکراتو اونشه یی توکو د ځانګړی څارنوالی لوی ریاست د راپور پربنسټ، یاد ریاست د تیری میاشت قضیو ترحنګ د لیندی میاشت کې جمله د ۱۴۷ قضیو څیړني بشپړي کړی دي.
د یاد ریاست د دی ربعي د راپور پربنسټ په دی موده کې ابتدایی محکمی ۱۵۰ قضیی ، استیناف محکمی ۸۵ قضیی او د افغانستان د ستري محکمی د عامه امنیت دیوان ته ۵۳ قضیی لیږل شوی دي.
په دی موده کې د افغانستان د ستری محکمی عامه امنیت دیوان لخوا ۵۲ قضیی فیصله شوي دي.
نوموړی څارنوالی د ۱۳۹۶ لمریزکال د(تله،لړم او لیندی)میاشتوپه لړکې ۴۲ عرادی موټره،۳ عراده موټرسایکل، ۱۶۸سیټه بیلابیل موبایلونه چې د مسکراتو او نشه یی توکو له قاچاقبرانو څخه ترلاسه شوی و مصادره کړي او همدارنګه (۴۴۹۱۴۹۸۵) زره افغانی او (۲۴۱۰۸۳) زره امریکایی دالره چې له قاچاقبرانو څخه ترلاسه شوی و د یاد څارنوالی به قطعی حساب د افغانستان بانګ ته سپارل شوی دي.
همدارنګه د ۱۳۹۶لمریز کال د دریو(تله،لړم او لیندی) میاشتوپه لړکې د مسکراتو او نشه یی توکو پرضد د مبارزی ابتدایی محکمی له لوری۱۷۴ تنه په لوړ حبس۲۰کاله او تیت حبس ۲ کاله و شپږ میاشتی محکوم په سزا شوی او همدارنګه په دی موده کې د مسکراتو او نشه یی توکو پرضد مبارزی استیناف محکمی لخوا۸۳ تنه په بیلابیل تنفیذی حبس محکوم په سزا شوی او ۹ تنه نور د کافی دلایلو نه شتون له امله په برائت پیژندل سوی دی.
د۱۳۹۶ کال د یادو میاشتو په لړ کې جمله ضبط شوی مسکرات او نشه یی توکی چې دتدقیق پلټنی اولابراتوارلوی مدیریت ته رسیدلی په لاندی ډول دي:
هیرویین ۳۹۱،۰۵۷کیلوګرامه
مورفین ۱۳۶،۶۱ کیلوګرامه
تریاک ۴۵۱۵،۸۴ کیلوګرامه
چرس ۴۰۰۴۴،۸۷ کیلوګرامه
جامد مواد کیمیاوی ۳۳۱۲،۶۵ کیلوګرامه
مایع مواد کیمیاوی ۱۷۸۴۴،۱۸لیتره
الکولی مشروبات ۴۲۳۶،۷لیتره
هغه ولایتونه چې د دریمی ربعي په اوږدوکې ډیري قضیي لري:
کابل ولایت له ۴۴ قضیو سرهاوننګرهار ولایت له ۲۲ قضیو سره د ۱۳۹۶ لمریز کال د(تله،لړم او لیندی)میاشتي په اوږدوکی د مسکراتو او نشه یی توکو د جرایمو پرضد د مبارزی عدلي او قضایي مرکز کې د نشه یی توکو او مسکراتو ډیري قضیي لرونکی ولایاتوڅخه شمیرل کیږي.
هغه ولایتونه چې د دریمی ربعي په اوږدوکې هیڅ قضیی نه لري:
خوست،دایکندی،وردک،بامیان،سمنګان،ارزګان او لغمان له هغو ولایاتو څخه شمیرل کیږی چي د ۱۳۹۶ لمریز کال د دریمی ربعی په لړ کی د مسکراتو او نشه یی توکو د جرایمو پرضد د مبارزی عدلي او قضایي مرکز کې د نشه یی توکو او مسکراتو هیڅ جرمی قضیی نلري.